Den japanske kvinna klarte å nå toppen på det 8.848 meter høge fjellet laurdag. Ho hadde med seg ein annan japansk turist og tre sherpa-guidar i følgjet sitt.

Teamet nådde toppen klokka sju om morgon lokal tid, etter å ha gått gjennom heile natta. Watanabe starta ekspedisjonen i Katmandu for over ei månad sidan, og tok den nordgåande ruta til fjellet frå Tibet. Ho skulle eigentleg nå toppen for fire dagar sidan, men på grunn av sterk vind måtte dei utsetje det siste stykket.

• LES OGSÅ: Krever toaletter på Mount Everest
• LES OGSÅ: Verdens eldste Everest-klatrer døde

Tok rekorden allereie i 2002

Det er ikkje første gong at fru Watanabe blir den eldste kvinna på verdas høgaste fjell. I 2002 slo ho verdsrekorden då ho var 63. Den rekorden har stått heilt til no.

Den eldste mannlege Everest-klatraren er nepalske Min Bahadur Sherpa, som nådde toppen i ein alder av 77 år i 2007. Han har i likskap med den japanske kvinna ikkje tenkt å gi seg. I år planlegg han ein ny tur til toppen, som 82-åring.

Men ikkje alle forsøk er vellukka. For ganske nøyaktig eitt år sidan døydde den 82 år gamle Shailendra Upadhyaya i forsøket på å bli den eldste til å nå toppen. Han hadde gjennomgått harde treningsprogram, med fleire toppturar, før han la ut på sin siste tur. Det var likevel ikkje nok for 82-åringen, som måtte gi tapt for høydesjuke på 5.900 meters høgde.

• LES OGSÅ: Fjerner lik og søppel fra Everest
• LES OGSÅ: Everest-veteran sakna i Himalaya

3.000 har nådd fjellet

Rundt 3.000 menneske har til saman nådd toppen på verdas høgaste fjell. Andre klatrarar som har skapt overskrifter er ein blind mann, ein mann med protese og ein 13 år gammal gut.

April er den mest populære månaden å starte turen til det nesten ni kilometer høge fjellet. Dei vil då ha høve til å nå toppen i mai – dersom dei er heldige. Alt er nemleg avhengig av vêret, og gjennomsnittleg får ein berre to høve til å nå toppen.

Over 3000 har nådd toppen på det 8.848 meter høge fjelelt.

Foto: ScanStock