Skitur «klassisk runde på Skaraåsen»

Dette er ein fin tur i eit lett, men variert terreng, både i skog og i grensa til høgfjell. Om ein ynskjer det kan ein også opp på Syningen (1047 moh). Her er det eit flott utsyn til alle kantar, med Hallingskarvet i vest, så vidare nordvest over med Skorpa, Reineskarvet, og deretter Lauvdalsbrea, Såta, Storehorn og Skogshorn. Mot nord-aust ser ein over til Valdres. Mot aust og sør er det vidder og åsar så langt ein kan sjå.

Kartsporet er noe unøyaktig tegnet inn. Gjør egne vurdering og naviger etter beskrivelse, faktisk skilting, merking og terreng.

Ein følgjer skiløypa innover åsen i blandingsskog. Inne ved Feten deler løypa seg, og ein kan starte på rundløypa. Går ein beint fram, kjem ein forbi Habbeset. Her er det fint utsyn mot Skogshorn. Løypa dreiar vidare vestover og i småkuppert terreng svingar ein seg inn til eit nytt løypekryss ved Syningen. Her kan ein velje å gå vidare mot venstre, og det er ei lett og variert løype attende forbi Feten. Runden kan også gåast andre vegen, som ein variasjon. Utsynet mot Hallingskarvet er flott når ein nærmar seg Syningen.

I dette løypekryssen kan ein velje å gå rundt Syningen i preparert løype eller gå opp på Syningen. Opp på sjølve toppen er det ikkje preparert løype, men det er ikkje langt frå skiløypa.

Nedatt frå Feten kan ein nedanfor Spildredammen velje å ta til venstre og ned forbi skiheistoppen, eller til høgre, rett ned på parkeringsplassen.