Fottur Knappstad til Ytrestøylen og Indrestøylen til Grøneheia

Grøneheia - Topp med god utsikt 669 moh.

På Knappstad tek du av Rv 5 ved busskuret og følgjer bygdevegen oppover og det er skilta til tursti. Ovenfor garden er det parkeringsplass og der står det informasjonstavle. Følg traktorvegen oppover. Det er godt merka oppover i skogen og følg stien opp til Kvile på Langelia. Gå så rett fram over myra og du kjem inn i den brattaste delen av stien i Brekkene. Stien går no jamt bratt oppover til Ytrestøylen og du passer skiltet "Perleporten" på veg opp. Bak støylshusa går du oppover til du kjem inn på stien opp til Indrestøylen.

Knappstadstøylane er merka som Ytrestøylen og Indrestøylen på kartet.

Frå Ytrestøylen går du opp på austsida av Grøneheia. Då passerer du Indrestøylen i samme høgdedrag utan å gå ned til den og runder fjellet i aust. Du kjem då rett opp til Grøneheivatnet. Passer på nordsida av vatnet, gå mot høgste toppen 669 moh og opp på denne frå vest.

Gå same veg ned frå Grøneheia til Indrestøylen.

Følg stien ned mot Ytrestøylen og du kan gå Kyraråkja, då fortset du litt lenger ned på stien og tar ikkje av til Ytrestøylen.

Det er godt skilta og merka til Indrestøylen.

Turtips - når du kjem ned til Indrestøylen så fortset på turen via Vardalsnakken og Kyraråka ned til parkeringsplassen

Sporet på kartet er gått 13.mai 2024

God tur!