Eikåsnipa frå Ytre Eikås (Jølster)

DENNE TUREN VERT OPPDATERT PÅ UT I 2025

Eikåsnipa er ein lett tilgjengeleg topp med mykje utsikt. Turen startar på skogsveg opp til Ytre Eikåsstøylen. Skogsvegen er ganske bratt og kan nok opplevast som litt tung å gå. Fordelen er at du tek høgdemeterane fort.

Frå støylen går du på flott opptrakka sti heile vegen opp. Utsikta mot Jølstravatnet har du i ryggen heile vegen opp. Derfor lurt å stoppe inn i mellom å nyte den! I det du kjem opp der terrenget flatar ut siste stykket, kan det av og til vere vanskeleg å sjå stien pga. myrlendt terreng. Vel oppe finn du ein flott varde med bok i. Turen opp tek kring 1-1,5 time.

Dersom du ønskjer det kan du gå over heile fjellet. Dette gjer du ved å starte frå Flugedalen (i Førde) og gå over til Ytre Eikås. Turen frå Førde er omtala i lenka nedanfor.