Fottur til Kvanndalseggja/Blåfjellet i Stad kommune

Vidt utsyn i alle retningar. Frå Stårheimssida vert dette fjellet kalla Blåfjellet, medan dei kallar det Kvanndalseggja i Kjølsdalen. Dersom du vel å gå turen frå Kjølsdalen, startar du på Navestøylen, p-plass ved gangbru over elva/raud hytte. Ein går over ei lita bru. Her er det sti, som går over myrterreng, før den svingar oppover forbi ei raud hytte på Rindane. Hytta er godt synleg. Stien går vidare oppover ryggen til toppen. Du går i ope terrengheile vegen, og stien er god. Det er omlag 650 høgdemeter å gå. Turen tek ca. 2 timar ein veg. Ungar som skal gå turen, bør nok vere i skulealder eller bruke god tid og bereikne ein heil dag. NB. Stispor i kartet frå Rindane er omtrentleg innteikna, ikkje gått opp med GPS.

Ein kan og gå frå Stårheimssida. Då går ein opp via sti forbi Ytre Fannstøylen.