Naustdalskamben - dagsturhytta i Eid

Om hytta

  • Område
  • Betjeningsgrad
    Dagshytte
  • Sengeplasser
    Ingen sengeplasser
  • Åpningstider
    Hele året

Dagsturhytta i Eid kommune ligg på Naustdalskamben, 475 moh. Naustdalskamben ligg om lag midt i mellom Stårheim og Nordfjordeid i Eid kommune. Turen opp til hytte tek mellom 45 min og 1,5 time avhengig av utgangspunkt og tempo. Hytta ligg på 475 moh.

Der er fleire ulike stiar som fører til Naustdalskamben. Her er tre ulike ruter:

  1. Frå Reset i Hjelmelandsdalen: Dette er den slakaste og mest familievennlege ruta. I innkøyringa til næringsområdet på Reset frå Fv661 har Eid kommune avtale om parkering for turgåarar, følg skilting. Følg grusvegen innover i næringsområdet, og der vegen sluttar, startar stien. Merking med raude stikker på velbrukt sti første 500m, så på traktorveg fram til ein møter stien frå Grøthaug / Haugen etter 1,5 km. Frå denne opne plassen i skogen er det god sti heile vegen vidare opp til toppen. Stien er velbrukt og lett å finne. På toppen flatar det ut og vert litt myrlendt siste stykket fram til hytta. 3,2 km i alt.
  2. Frå Haugen skule: Parkering ved Haugen skule. 2 km på grusveg og 2 km på sti.
  3. Frå Torvik på Stårheim: her er det ein nyrydda og merka sti. Parkering ved Stårheim stadion. Startpunkt på ei bru over elva ved kraftverket. Merking med blå stikker heile vegen til topps. Her kjem stibeskrivelse på ut.no innan kort tid.

Tilpasset for

  • Skoleklaser

Slik kommer du deg dit

Adkomst sommer

Om ein køyrer bil kan ein parkere ved næringsområdet på Reset, ved Haugen skule eller ved Stårheim stadion, avhengig av kva rute ein vil ta.

Ein kan ta buss frå Måløy eller Eid til Bjørhovde ved Haugen skule eller til Torvik.

Sogn og Fjordane fylkeskommune