.
Frå rasteplassen ved Svartavatnet går turen på sti i vestleg retning langs ei lita elv. Første del av turen går i myr og småskog, med lett stigning i ulendt terreng. Siste halvdel er det ein del stigning på snaufjell.
Dette er ein fin familietur med god utsikt utover Sunnhordland. Innover fjorden ser ein heilt til Ålvik.
Skogsstien kan vera noko myrlendt, bruk høvelege sko.
Frå ferjekaien på Varaldsøy følg hovudvegen ca 1 km. Ta så til høgre i vegkrysset like etter bedehuset (stort kvitt hus på høgre side). Etter ca 500 meter ta til venstre ved skilt mot Øyerhamn og køyr 6 km til rasteplass ved Svartavatnet. Parker langs vegen ved rasteplassen.