Hovden Spongsvågen til Store Skorekinna

Publisert av: Flora Turlag
Annonse

Om turen

  • Område
  • Type
    Fottur
  • Gradering
    Middels
  • Lengde og varighet
    3,0 km
    1 time, 30 minutter
  • Sesong
    Mai - aug

Store Skorekinna er med sine 310 moh, den høgste toppen på øya Hovden med utsikt vest i havet og ned på Kvannhovden fyr, bygd 1895 og automatisert i 1980.

Turen på kartet startar på Domba vest på øya frå Uthamna i Spongsvågen til Florø Båtforening. Dit kjem du kun med privat båt. Følg den merka Nordsjøløypa nordover til du kjem til det opne området Dal / Dalshaugen. Ta av frå Nordsjøløypa og følg sporet på karte i noraustleg retning oppover langsmed Dalselva til omlag 170 moh. Her flatar terrenget litt ut. Drei nordover og oppover berget til du kjem til toppen og varden på Store Skorekinna.

Turen kan du også starte frå rutebåtkaia i Bareksatd. Frå kaia går du til vegkrysset og tar til venstre på grusvegen. Gå omlag 1 km til skiltet som viser til Domba og Kvannhovden Fyr i Halshamrevika. Lett stigande terreng fram til Stegane, 79 moh. Det er bratt nedstigning men godt sikra sti med solid tretrapp og bolta handtau stykkevis ned til Dombevatnet. Vidare lett terreng. Dette var tidlegare skuleveg. Frå Domba er det lett terreng å gå rett nordover i, på berg og gras, små grunne myrparti og rullesteinbelte. Skiltpeikar ved Kvalvika viser deg til helleristingsfelt med tre båtformer frå bronsealderen på loddrett bergvegg nær sjøen. Dette er ein avstikkar frå stien. Gå vidare nordover og når du kjem til det opne området Dal / Dalshaugen tar du av frå Nordsjøløypa og føl samme turbeskriving med turstart frå Uthamna i Spongsvågen på Domba.

Slik kommer du deg dit

Adkomst

Rutebåt til Barekstad.

Adkomst med offentlig transport

Rutebåt
Annonse