Dagsturhytta i Nord-Fron kommune

Dagsturhytta Nord-Fron ligg langs Tvelhaugråket på oversida av øvre Vinstra med fin utsikt over sentrum og dalstrøket.

Her kan du søkja ly, ta ein pause, ete matpakken din og få litt varma i deg. Senk skuldrene og nyt naturen. Du kan ha heile dagen her om du vil, men du kan ikkje overnatta inne i hytta.

Plasseringa av dagsturhytta stimulerer til god rekreasjon og ro i naturskjønne omgivnader.

Dagsturhytta i Nord-Fron er ein del av konseptet Dagsturhytta Innlandet, eit samarbeid mellom Sparebankstiftelsen DNB, Sparebankstiftelsen Hedmark, Innlandet fylkeskommune, kommunane, frivillige organisasjonar og grunneigarar.