Knekkevasshytta

Knekkevasshytta

Om hytta

  • Område
  • Betjeningsgrad
    Ubetjent
  • Sengeplasser
    12 sengeplasser
  • Åpningstider
    Hele året

Knekkevasshytta vart bygd i samband med den store kraftutbyggjinga i Svelgen tidleg på 1900-talet og var teken i bruk i 1917. Der har vore innlagt straum og vatn som diverre er fjerna no. Eigar er no SFE og Keipen Turlag har disponert og utført svært mykje vedlikehaldsarbeid gjennom mange år. Såleis er hytta no fullstendig restaurert med nytt tak, nye vindauge og ny kledning.

Hytta har i 2017 vorte oppgradert og har no 12 nye sengeplasser fordelt på fire soverom, eit i 1. etasje og tre i 2. etasje. I 1. etasje er det eit vindfang, gang, to stover og kjøkken. I eine stova er det vedfyring og kjøkkenet er utstyrt med gassbluss. I tillegg er der to små boder, eit brukt til vaskerom og det andre som lagerplass for kjøkkenutstyr. Du finn ekstra madrasser og sengetøy på bod i 2. etasje.

Ved er lagra i kjellar eller i boda på utedoet. Her vil du óg finne bålpanne.

Vatn finn du i Knekkevatnet rett bak hytta eller i elv aust for hytta. Då går du stien tilbake ca 150 m og vidare rett aust der T-stien går ned bakken. Der er tydeleg trakk.

Brannsløkkjingsapparat er plassert i gang 1. og 2. etasje.

Hytta har DNT- lås.

Slik kommer du deg dit

Adkomst sommer

Knekkevasshytta ligg ved den T- merka stien til Keipen, ca 1 t gange frå parkeringsplassen ved Sørdalsdammen.