Dagsturhytta i Årdal er plassert på Moakamben, over Ytre Moa. Hytta ligg på ca. 245 moh. Ein kan starte turen frå Moa eller frå Lykkja i Utladalen.
Dagsturhytta er eit lågterskeltilbod for turgåarar - ein plass for å ete matpakka si, få litt varme i seg og bla i bøker. Kvar hytte har eit nynorsk turbibliotek med mange ulike bøker.
Pr...
Med bil: Ein kan parkere på parkeringsplass ved Moa. Følg skilting til Moakamben frå parkeringsplassen på Moa. Etter ca. 200 m tek stien av opp til venstre. Stien er bratt i starten, men flatar ut etter kvart. Du brukar om lag 40 minutt frå parkeringsplassen fram til hytta.
Til fots eller sykkel: Følg sti frå Lykkja i Utladalen. Det er ingen parkering her. Hald til høgre ved stidelen på Moa-åsen. Det er fleire alternative ruter/stiar til turposten til Årdal Turlag. Pass på at du ikkje tek av på sti til høgre ned mot Utladalen att! Turen til Moakamben tek normalt 0,5-1t.
Lenger tur: Du kan parkere ved Årdalshallen i sentrum av Øvre Årdal. Ein starta frå Rallaren-statuen i sentrum av Øvre Årdal, følge sykkelsti fram til Olmenhagen. Når sykkelstien kryssar bilvegen fylgjer du bilvegen over brua ca 150m fram til trappene til Ytre Moa og vidare oppover.
Samle på fjelltopper, hytter og andre turmål over hele landet med SjekkUT i UT-appen.
Les mer om SjekkUTSjekkUT-besøk