Vidsyn - dagsturhytta i Fjaler

Annonse

Om hytta

  • Område
  • Sengeplasser
    Ingen sengeplasser
  • Åpningstider
    Hele året

Dagsturhytta i Fjaler kommune ligg ved Bygdeheia i Ytre Fjaler og har god utsikt i alle retningar og utover havet mot Alden. Hytta har difor fått namnet Vidsyn.

Hytta ligg på om lag 280 meter. Det er om lag 2 km sti frå begge sider og ein går opp på mellom 30-60 minutt avhengig av form.

Dagsturhytta er eit lågterskeltilbod for turgåarar - ein plass for å ete matpakka si, få litt varme i seg og bla i bøker. Kvar hytte har eit nynorsk turbibliotek med mange ulike bøker.
Prosjektet er eit samarbeid mellom Sogn og Fjordane fylkeskommune, Sparebankstiftinga / Sparebanken Sogn og Fjordane og kommunane sjølve.

Les meir:

Tilpasset for

  • Skoleklasser

Slik kommer du deg dit

Adkomst sommer

Det er to alternative ruter: ein kan gå frå Furset eller frå Skor ved Folkestad. Det er best parkering på Furset-sida. Det er omtrent like langt å gå frå begge sider.

Starten på stien ligg om lag 40 minutt køyretur frå kommunesenteret Dale i Sunnfjord. Frå Flekke kjøyrer ein fv. 607 mot Fure. Parkering ved Furset (ligg mellom Fure ferjekai og Våge skule). Du tar av frå hovudvegen og køyre 750 meter langs grusveg for å finne parkeringsplassen.

Stien frå Furset har nokre blaute parti, som skal ordnast. Stien startar på skogsveg, før han går brått til høgre. Derifrå går du slakt oppover, før du går opp ei lita kneik til høgre. Deretter slakt oppover til Bygdeheia. Bonus er at du etter få høgdemeter får fantastisk utsikt ut i havet mot Alden.

Annonse

Eier

Vestland fylkeskommune
Værvarsel ikke tilgjengelig