Buksebrune

Buksebrune er ei bru som er ein kopi av ei gamal bru som sto på same staden før. Følg fylkesvegen mot Fagernes og ta til venstre i fyrste krappe høgresving etter 2 km frå sentrum. Deretter kan grusvegen på Bergasida følgjast om lag 2 km innover til Gjesthus der Buksebrune ligg over elva Hemsil. Ved brua er det sittebenkar og eit triveleg miljø.

Like sør for Buksebrune ligg Golsjuvet, og om ein ynskjer å sjå nærmare på dette fins det ein umerka stig som fortsetter sørover langs vestsida av Hemsil. Det er også mogeleg å fortsette turen opp mot Buksegården like ved rv 52. Stien hit går vidare til høgre på vestsida av Buksebrune.