På Seløy er det bygd ein gapahuk ute i havgapet som heiter Gløvrebu. Høgdepunktet på denne turen er å gå gjennom “Gløvro” - ein smal passasje i fjellet. Passasjen er rundt 50 m lang, 10 m høg og ca. 40 cm brei på det smalaste – ei spennande oppleving.
Frå Bergen så følger du RV 555 til rundkøyringa på Kolltveit. Her tek du til høgre og følger vegen heilt til Hjelme kyrkje. Det er skilta mot Hellesøy. Parkering og start for turen er ved gravplassen på Bakken, rett etter Hjelme Kyrkje.