Tursti til Melderskin frå Rosendal, Kvinnherad

Annonse

Om turen

  • Område
  • Type
    Fottur
  • Gradering
    Ekstra krevende
  • Lengde og varighet
    10,9 km
    7 timer
    Turen går tur/retur samme vei
  • Sesong
    Mai - okt

Melderskin vert ofte kalla ”Dronninga blant Hordalandsfjella”. Varden på det flate topplatået er bygd av Norges geografiske oppmåling i 1913. Varden er verna av Statens Kartverk. På toppen finn du storslegen utsikt mot havet, fjordar og fjell, og Folgefonna.

Start- og sluttpunkt: Kletta

Parkering: Følg vegskilt "Melderskin" frå Rosendal sentrum til P-plass ved stoppskilt på Kletta

Merking: Informasjonsstavle ved P-plassen. Herfrå 300 m langs vegen utan merking, før stien svingar opp mot Skarshaug. T-merkt med vardar og skilt.

Høgdeskilnad: 160 – 1426 moh.

Tidsbruk: 4 timar opp, litt mindre ned.

TUROMTALE: Frå P-plassen 300 m langs vegen, før stien svingar opp mot Skarshaug. Stien går først i utmark og blandingsskog. Over tregrensa følgjer stien små rygger og dalar, dei spesielle Rindane. Første toppen, Skarshaug, er halvvegs til Melderskin. Siste stykket opp hit har sherpaer frå Nepal sikra med trapper. Flott utsikt. Dalen mot søraust er Hattebergsdalen, ein viktig innfallsport til Hattebergvassdraget og Folgefonna nasjonalpark. 

Vidare oppover blir underlaget meir stein og lite vegetasjon. Ei uventa oppleving er moseteppet og det friske vatnet i Holo, før siste oppstiging til toppen. Her ligg ofte snøfonnene heile sommaren.  

Frå toppen av Melderskin er det på godversdagar ein heilt utruleg utsikt i alle retningar, vel verdt slitet med turen opp.

GODE RÅD: Ta med ekstra drikke. 

Slik kommer du deg dit

Adkomst med egen bil

Frå Bergen, følg E16 til Trengereid. Vidare mot Eikelandsosen og Gjermundshamn. Ferje til Årsnes. Frå Årsnes 9 km. sørover til Rosendal. Følg vegskilt "Melderskin" frå Rosendal sentrum til P-plass ved stoppskilt på Kletta.

Adkomst med kollektivtransport

Det er mogleg å koma til Rosendal med ferje til Årsnes, via Odda og Folgefonntunnelen eller via Halsnøysambandet. Ein kan også koma med ferje via Skånevik. Elles går det hurtigbåt frå Bergen til Rosendal med daglege avgangar. Det er også bussamband. Sjå skyss.no for rutetider. 

Annonse