Fra Jordal til Svartediket

Dette turforslaget ble opprinnelig publisert i boken "OPPTUR BERGEN». Vi takker Selja Forlag for tillatelsen å kunne legge ut turbeskrivelsen i ut.no. "OPPTUR BERGEN" er en inspirerende turbok med 151 turforslag i Bergen og omegn.

Start: Jordal
Tid: 3 timar
Høgd: 20-460-70 moh.
Lengd: 7,5 km

Jordal er ein liten avkrok av Åsane, der mykje av det opphavlege kulturlandskapet framleis blir halde i hevd. Særmerkt ved dei gamle bygningane i Jordalen er det at steingavlane ligg mot søraust, ikkje mot sørvest, som vanleg er for å gje vern mot ruskevêret. Dette har samanheng med naturformasjonane i området. I Jordalen bidreg dei til at nedbørsvinden kjem frå søraust. Ofte er vinden i Jordalen uvanleg sterk.

Jordalen er dalen som går austover i landskapet frå Eidsvåg. Hit kjem ein seg berre i bil eller til fots. Turen går over innmarksbeite, forbi steingardar, utløer og slåtteteigar, før ein tek fatt på stigningane opp Jordalsskaret. Det går bratt oppover, så ein kjem seg raskt til fjells. Utsynet bakover blir finare og finare til høgare ein kjem.

Øvst i skaret møter du stien som går mellom Rundemanen og Vikinghytten. Ta til høgre i stidelet og følg stien fram til Tarlebøveien, som kjem opp frå Våkendalen og held fram opp til Rundemanen. Frå Hyttelien går turen beint nedover, forbi Tarlebøvatnet og ned i Våkendalen, der det heilt fram mot midten av det førre hundreåret var gardsdrift. På det meste var det minst tolv bruk i Våkendalen.

Turen endar ved stemmegarden lengst vest i Svartediket. Her heiter det Lappen.