Fottur til Orkja frå Myklebust

Denne ruta opp til Orkja er den lengste, men gir og den største og mest varierte utsikta. Etterkvart som du tek høgdene oppover får du gradvis meir utsikt vestover Jølstravatnet. Når høgdene er tatt går du i kupert fjellterreng over heile fjellet til du kjem til varden på austsida av fjellet. Her får du utsikt til Skei.

Frå toppturparkeringa går du i vestleg retning langs Orkavegen. Like før du kjem til brua over Myklebustelva tek du av på skogsveg i nordleg retning. Følg denne eit kort stykke fram til du tek av på sti. Stien går i starten med slak stigning i skog og over myrer. Etterkvart vert det brattare og du passerer det brattaste partiet ved Orkahamrane. Stien går i nordleg retning fram til du kjem opp på fjellplatået. Undervegs passerer du nokre parti som etter regnfulle periodar kan vere våte. Stien går vidare i austleg retning over heile fjellet, der du undervegs passerer fleire flotte fjellvatn. Terrenget er kupert bortover, og stien god og fin å gå på heilt fram til varden.

Tips
Du kan gå ned att Orkja frå austleg side. Sjå lenke til turskildring.

Det går også ein sti også opp frå Toppturparkeringa. Denne stien møter denne skildra ruta i området der ein kjem opp på fjellplatået etter stigninga, og skal til å ta fatt på å gå i utleg retning over fjellet.

Det er mange fine fjellvatn ein kan bade i på varme sommardagar.

Toppen av Orkja eignar seg godt for telttur.

Fakta
Turen er på 9,5 km t/r, og rundt 4,6 km kvar veg. Tid: 4-4,5 timar opp og 6,5-7 timar t/r.

Hugs:

• All ferdsel er på eige ansvar

• Du kan ferdast fritt i utmark til fots

• Fri ferdsel skal ikkje vere til skade eller ulempe for andre, eller for plante- og dyreliv

• Det er bandtvang i Sunnfjord kommune i perioden 1. april – 1. november

• Der stiane går over innmark og beiteområde må du vise ekstra omsyn, og late att grindane etter deg

Turen er lagt ut av for Indre Sunnfjord Turlag
ved Anne Cecilie Kapstad, redaktør for UT-turar i Jølster

"Orkja skal brotne, Helgheimskyrkja flotne, Sandneset skal forgå, men Øvreåsen bestå." Gamal regle frå Jølster, som omtalar Orkja som "skredfjellet.