Kalandsvatnet rundt til fots

Dette turforslaget ble opprinnelig publisert i boken "OPPTUR BERGEN». Vi takker Selja Forlag for tillatelsen å kunne legge ut turbeskrivelsen i ut.no. "OPPTUR BERGEN" er en inspirerende turbok med 151 turforslag i Bergen og omegn. 

Bergens største innsjø

Start: Stend, Fana kyrkje
Tid: 4 timar
Høgd: 50-80 moh.
Lengd: 15,5 km

Kalandsvatnet er den største innsjøen i Bergen kommune med eit areal på drygt 3,37 kvadratkilometer. Omkrinsen er på knapt 12,5 kilometer om du følgjer stranda heile vegen rundt.

Osbana følgde den sørlege stranda av Kalandsvatnet på sin veg mellom Os og Nesttun. I dag er store delar av traseen asfaltert gang- og sykkelveg, men traseen er i seg sjølv eit samferdslehistorisk kulturminne. Det bidreg til å gjera turen rundt Kalandsvatnet til ei triveleg oppleving.

Turen vår tek til ved Fana kyrkje. Følg vegen innover forbi Klokkarvatnet. Ved Kalandsvatnet koplar du deg på den gamle Osbane-traseen. Den søraustre delen av Kalandsvatnet, Kalandsvika, blei i 1995 verna som naturreservat. Her har Fylkesmannen i Hordaland også set opp eitt av landets finaste fugleobservasjonstårn, til glede for alle hobbyornitologar. Ornitologisk sett er Kalandsvatnet nemlig svært interessant, med eit rikt og variert fugleliv.

Gang- og sykkelvegen møter E39 ved Kalandseid, men det er fortau så godt som heile vegen langs aust- og nordsida av vatnet også. Ver likevel merksam på at det er etter måten travel trafikk langs europavegen. Rundt heile vatnet ligg det fine beite- og slåttemarker og velstelte tun.

Mer informasjon om leie av båt og fiskekort her