Tursti til Volavatnet og gruvene på Varaldsøy, Kvinnherad

• Turkart: Folgefonna Nasjonalpark. Du finn eit kartblad for området ved å bla i bilda øvst.
• Parkering, start- og sluttpunkt: Der vegen til gruvene startar, parker langs vegen. Sjå feltet "Adkomst" lenger nede på sida.
• Merking: Informasjonstavle ved startpunkt. Stien er T- merkt og skilta.
• Høgdeskilnad: 240 - 360 moh.

.

TUROMTALE

Første delen av turen går på gamal grusveg til gruvene. Sti vidare til Volavatnet på høgre side ved første gruvesjakt. Gjennom myrlendt terreng med bekkefar ned til eit lite vatn, Kjøhølen. 

Følg sti mot venstre til Volavatnet. Dette er ein fin familietur i vakker Varaldsøy-natur. Flotte bademogelegheiter i Volavatnet.

GODE RÅD

Ta deg tid til å gå litt på oppdagarferd i gruveområdet. Gruvene var den viktigaste arbeidsplassen på Varaldsøy i fleire periodar både på 1800- og 1900-talet. Spor etter svovelkis kan ein sjå igjen i bekkefara. 

Her er gamle husmurar, slagghaugar og gruvesjakter. Gruvesjaktene er sikra for publikum. Diverse orientering og skilting på staden.

I Kvinnherad kommune er det mange turforslag og turmål som er lagt inn på UT.no. På denne linken finn du eit samla oversyn over merkte stiar og turmål i kommunen: Turforslag i Kvinnherad.