Tursti til Aterstad og Tverrfjell frå Omvikdalen, Kvinnherad

• Turkart: Folgefonna Nasjonalpark. Du finn eit pdf-kartblad for området ved å bla i bilda øvst.
• Parkering, start- og sluttpunkt: Ved garden Landa. Sjå feltet "Adkomst" lenger nede på sida.
• Merking: Skilt og informasjonstavle ved P-plassen. Utmarksvegane til Aterstad er ikkje merkte. Til Tverrfjell er det skilt og T–merking frå der stien startar ved utløpsosen frå Aterstadvatnet.
• Høgdeskilnad: Aterstad: 100 - 400 moh. / Tverrfjell: 100 - 660 moh.
• Tidsbruk: Aterstad: 2 timar t/r. Tverrfjell: 4 timar t/r.

.

TUROMTALE

To gode alternative utmarksvegar frå P-plassen fram til Aterstad. 

Den T-merkte stien vidare til Tverrfjell startar ved skilt for steingang over utløpsosen i nordre enden av Aterstadvatnet. 

Aterstad er ein vakker plass, ta gjerne ein tur innover langs austsida av Aterstadvatna mot botnen av dalen. Flott utsikt over Omvikdaen frå toppen av Tverrfjell.

GODE RÅD

Det er myrlendt kring Aterstadvatna, bruk gode sko.

I Kvinnherad kommune er det mange turforslag og turmål som er lagt inn på UT.no. På denne linken finn du eit samla oversyn over merkte stiar og turmål i kommunen: Turforslag i Kvinnherad.