Tursti til Vikefjell frå Valen, Kvinnherad

• Turkart: Folgefonna nasjonalpark. Du finn eit kartblad for turen ved å bla i bilda øvst.
• Parkering, start- og sluttpunkt: Valen kyrkje.
• Merking: Informasjonstavle ved P-plassen. Inga merking på gang- og sykkelstien. Postvegen er merkt, og stien oppover frå den og til turmålet er merkt med raudt og plastbrikker.
• Høgdeskilnad: 40 – 200 moh.

.

TUROMTALE

Frå kyrkja går ein på gang- og sykkelvegen nordover til busstopp Eikelandsberget / Solfeng. Der skal ein kryssa hovudvegen og følgja grusvegen / Postvegen oppover mot Teigadalen. I Teigadalen tek ein av til venstre frå Postvegen 75 meter etter lita bru som går til pistolskytebanen.

Første del av stien har ein del blaute parti. Siste del av stien mot toppen går på berg, litt bratt.

Frå Vikefjell er det flott utsikt i alle retningar, frå hav til fjell. Få stader kjem ein så lettvint til storfelt utsyn mot deler av Sunnhordland, og over Valen med grannebygdene.

GODE RÅD

• Bruk rett fottøy.
• Alternativ retur kan vera å følja stien vidare til søre Vikefjell og derfrå ned lia til hovudvegen på sørsida. Då blir det ein rundtur.

I Kvinnherad kommune er det mange turforslag og turmål som er lagt inn på UT.no. Her har du linkar til lister som viser alle:

• Turforslag på merkte stiar i Kvinnherad
• Turmål i Kvinnherad