Tursti til Gråskallen frå Herøysund, Kvinnherad

• Turkart: Folgefonna nasjonalpark. Du finn eit kartblad for turen ved å bla i bilda øvst.
• Parkering, start- og sluttpunkt: Herøysund Grendahus, Bringedalsvegen 144.
• Merking: Stien er T-merkt og skilta frå Vassverket.
• Høgdeskilnad: 75 – 439 moh.

.

TUROMTALE

Frå Grendahuset går ein 500 meter sørover langs hovudvegen til skilt som viser opp gards-/skogsvegen til venstre. Herfrå er det 500 meter til start for den merkte stien like over elva ved vassverket. Turen går slakt oppover i fint skogsterreng som etter kvart flatar ut, før siste korte strekkja opp over berga til varden. 

Gråskallen er den snaue skolten over Longgoto mellom Husnes og Herøysund, med stor varde på toppen. Mange vert overraska over korleis Husnes-området tek seg ut frå denne kanten. Få stader får ein etter lite slit så godt utsyn mot øyar og fjordlandskap på vest- og nordsida av Hardangerfjorden. Her kan ein nyta eit panorama frå Varaldsøy til Halsnøy og havet.

GODE RÅD

• Turen går på god skogssti som enkelte stader kan vera noko myrlendt. 
• Den skilta og merkte rundturen om det idylliske Hellvikvatnet kan anbefalast, der er stadvis noko brattare. Det er dette alternativet som er vist i GPS-sporet.
• Nord for toppen er det eit stidele sørover til Onarheimslia, men denne stien er ikkje merkt.
• I Kvinnherad kommune er det mange turforslag og turmål som er lagt inn på UT.no. På denne linken finn du eit samla oversyn over merkte stiar og turmål i kommunen: Turforslag i Kvinnherad.