Tursti til Kaldestadåsen frå Husnes, Kvinnherad

• Turkart: Folgefonna Nasjonalpark. Du finn eit pdf-kartblad for turen ved å bla i bilda øvst.
• Parkering, start- og sluttpunkt: Ved Kvinnherad vidaregåande skule.
• Merking: Raudmåla merke, infoskilt ved stistart.
• Høgdeskilnad: 15 - 271 moh.

.

TUROMTALE

Gå frå P-plassen opp til høgre forbi Kvinnherad vidaregåande skule og opp ei trapp. Følg grusa sti i skogen litt til venstre like ovanfor skulen. Deretter på sti til høgre opp lia til møte med sti frå Kaldestad. Hald til venstre og følg stien til toppen.

Stien går gjennom fin, gammal fureskog med variert og rikt fugleliv. Det har dei siste åra blitt utført mykje dugnadsarbeid på stien, så den blir stadig betre. Fine utsiktspunkt i alle retningar etter kvart som stien rundar rundt åsen. Turhytte på toppen.

GODE RÅD

Sjå også fleire rutealternativ til Kaldestadåsen:

•  Tursti til Kaldestadåsen frå Podlen 
• Tursti til Kaldestadåsen frå Kaldestad 
• I Kvinnherad kommune er det mange turforslag og turmål som er lagt inn på UT.no. På denne linken finn du eit samla oversyn over merkte stiar og turmål i kommunen: Turforslag i Kvinnherad.