Tursti til Svartaberg på Halsnøy, Kvinnherad

• Turkart: Fritidskartet Halsnøy/Fjelberg, målestokk 1:20.000. Kartet er til sals hos Buketten, Sæbøvik. Eides Bensinstasjon, Eidsvik. Fjelberg Landhandel, Fjelberg. Du finn eit kartblad for turen ved å bla i bilda øvst.
• Parkering, start- og sluttpunkt: P-plassen. Sjå feltet "Adkomst" lenger nede på sida ...
• Merking: Informasjonstavle ved P-plassen. Stien er skilta og T-merkt.
• Høgdeskilnad: 25 - 193 moh.

.

TUROMTALE

Frå P-plassen: Gå langs hovudvegen sørover om lag 200 meter. Ta opp til høgre i første vegkryss og følg gardsvegen til om lag 100 meter før endepunktet på Skato. Herfrå på sti opp til venstre over skrånande grasbakke. 

På vegen kan ein ta innom Skatehatt, den markerte og nakne kulten ein ser til høgre for Skato. OBS: Kulten har eit høgt og farleg stup mot aust, pass på borna!

På den flate toppen av Svartaberg er det reist ein liten paviljong med benker og bord. Der kan ein nyta både nista og den flotte utsikten medan borna leikar på berget.

GODE RÅD

Ta gjerne turen bortom utsiktspunktet Langheller som ligg 15 meter til venstre når det byrjar å flata ut mot toppen. Helleren har tent som ly og overnattingsplass for dyr (og menneske?) opp gjennom tidene.

I Kvinnherad kommune er det mange turforslag og turmål som er lagt inn på UT.no. På denne linken finn du eit samla oversyn over merkte stiar og turmål i kommunen: Turforslag i Kvinnherad