Fottur til Eggenipa - rundtur

Eggenipa, eit av dei mest fotograferte fjelltoppane i Norge?

Den kjende og særprega toppen i Gloppen er absolutt verdt eit besøk, og det er ein fin rundtur.

Køyrer du sørover E39 frå Byrkjelo får du ganske snart den markerte og spektakulære egga ragande over deg på venstre side av vegen ved inngangen til Våtedalen. Det fristar nok mange å kome seg til topps på det 1338 meter høge fjellet, og det er ikkje umogleg.

Det er merka frå parkeringsplassen i Øvredalen ved Eggjestøylen, der er parkeringsplassar lenger nede og. Turen startar med å gå over brua og eit flatt myrlendt parti, før ruta går opp fjellsida som kan vere våt og sleip. 

Oppe mot toppen er det klyving, nokre stadar ein kjetting å holde seg i. 

På toppen er det imponerande utsikt både til Breim og Bergheimsvatnet og mot Jølster. 

Turen opp på toppen tar ca 2,5 timar, rundturen 6-7 timar.

Rundturen forset sørover i lett og småkupert terreng. Det er svært viktig å gå heilt til enden av dalen før ein rundar ned mot Gåsemyrstøylen. (Snøen ligg ofte lenge her, og det kan vere lurt å sjekke at brua er sett ut for sesongen).

Avslutninga frå Gåsemyrstøylen er ca 3 km på "flat" og god sti, der ein passerer Øvredalsvatnet og Eggjestøylen før ein er tilbake på parkeringsplassen.

NB! det er viktig at snøen er vekk på egga før ein går toppturen. 

Nibberåsa har eit pågåande prosjekt for å utbetre stien, så her skjer endringar, sjå: - Prosjekt Nibberåsa — Eggenipa 

Der er parkeringsavgift som må betalast innan ein viss frist, viss du skal unngå fakturagebyr.