Ute på Bordalen ligg toppen Karaldenuten 1295 moh, over Ålvik og på kanten av Hardangerfjorden. Turen opp frå Rong tek 2-3 timar. Bratte kneikar vert løna med fantastisk utsikt på toppen. Dette er ein nydeleg tur heile året med ulike ruteval. Området byr også på spanande badeplassar.
På Rong ser du godt p...
Du køyrer frå Voss sentrum utover Bordalen i grøderikt jordbrukslandskap med elva djupt nedi Bordalsgjelet. Lenger ute går vegen langs den vakre Bordalselva og omlag 2 km før Rong køyrer du over ei gamal flott steinbru som er verd ein stogg . Etter 15 km frå Voss er du heilt til endes av vegen og kjem du til Rong Fjellstove. Her på Rongastovo er det god parkering og startpunkt for fleire turmål. Fjellstova er ikkje fast betjent, men større grupper kan bestilla tradisjonsrik mat frå Voss og overnatting. Sjå meir på www.rongastovo.no.