Topptur på ski til Torefjell

Torefjell ligg høgt over Norheimsund og Øystese med fjordutsikt langs heile ruta opp og frå toppen.

Turen er ein relativt trygg topptur som kan gjennomførast både på fjellski og tyngre utstyr. Ruta er ikkje merka på vinteren.

Ei føl i stor grad sommarstien oppover frå Sjusete Skisenter (parkeringsavgift). 

Frå parkeringa går ein forbi brua og skihytta og fylgjer veg langs høgre side av vatnet (ein kan og ta til venstre og gå ein litt kortare variant fyrst langs lysløypa nokre hundre meter og ta av til høgre før denne startar ein lang bakke og ta seg opp til vegen). Vegen vert ofte trakka med trakkemaskin. Ein fylgjer vegen til endes, den avsluttar med ein bratt bakke opp til Forsetfossen. Herfrå ein knekk ein av til høgre og følgjer ryggen oppover. Ein må ned i ei lita dump ved beindalsgjelet. Her rundar ein ein liten hammar ut til høgre og så til venstre og følgjer terrenget vidare oppover mot toppen i nordleg retning forbi markert stein (Børesteinen) og opp siste henget i meir nordaustleg retning. 

Dei fleste avsluttar turen ved å ta seg opp på den vestlegaste delen av toppen, sjølv om austenden er ørlite høgare, og varden er plassert litt nedanfor heilt aust. Skal du til høgste punktet er det mbest å gå opp i vest og følgja toppen austover, ikkje følgje sommarstien som ligg litt nede i sydsida.

Alternativ:
Til Torefjell kan ein og gå frå Fitjadalen, inn til Botnane og opp til Eivindsete og Langedalen til toppen.
Det er fleire returmoglegheiter med mogelge nedkøyringar på baksida mot Jørstadvatnet og derifrå via Krok og ned til Beindalsgjelet.
Frå Børesteinen kan ein returnere ned til stølen Flyane og traversere seg til Fagrasete der ein treff løypenettet til Sjusete. Ved gode snøtilhøve kan ein og køyre ned Hottegjel frå Flyane.
Frå toppen er det og mogelg å køyre ned ved Jorunnsfonn ned Midtrymb til Flyane. Spesielt øvre del er her mykje meir kompleks mtp. snøras.