Juraskarkjerringa i Etne

Bratt tur på gulmerka sti frå Norheim i Stordalen til Juraskarkjerringa (707 moh). Juraskarkjerringa er turpost i "Alle 30 i Etne". Turen startar ved E134 på Norheim. Det er over 2,5 km ein veg og har 600 stigemeter. Juraskarkjerringa er ein markert steinformasjon i skaret (toppunktet) mellom Stordalen og Skånevik og med godt utsyn til begge bygdene.

I staden for å gå tilbake til startpunktet kan du gå vidare til Skånevik via Rodalen (Åsheim – Rodalen – Juraskard) Du kan også gå austover til Håfjellet og Håland eller vestover til Stølehetta for deretter å gå postvegen til Etne eller Skånevik. Dette er lengre og meir krevande dagsturar og krever derfor litt planlegging og logistikk.