Skildring av tur

Frå Botsvatn følg anleggsvegen til endes. God sti opp til Skarvabotsvatnet. Her er det skilta venstre opp til Jonstein. Nokre få svært bratte parti oppover, men for det meste god sti. På toppen er det flott utsikt i alle retningar. Frå Jonstein kan du ta umerka rute ned mot Dåren. Dette er ein flott rundtur på finversdagar. På Dåren kjem du inn på andre merka turar. På veg mot Dåren kryssar du også Buførevegen, og du kan følgje denne ned til Botsvatnet.

Sesong

Juli - oktober NB! Du må ikkje gå denne turen om vinteren grunna skredfare

Råd for turen

-Ta med mat, drikke og vindtette klede.
- Du bør ha fjellstøvlar, men har det vore tørt ei stund kan du bruke joggesko.
- Mobildekning er god på det meste av turen.
- Vi anbefaler kart og kompass, ev. GPS.
- Det er bandtvang 1. april – 20. august.
- Det er forbode med open eld i skog og mark 15. april - 15. september.
- Til fots kan du ferdast fritt i utmark, men ver varsam og ta omsyn til dyr og fuglar, og til naturen elles. Ikkje kast søppel.
- Turistinformasjonen kan gi opplysningar om fiske og kjøp av fiskekort.