Skildring av tur

Gå over Dravladalsdammen og over på god fjellsti. Til dels bratte parti oppover og nokre plassar er det høgt ned. Når du er over dei verste kneikene kjem du til ei hytte like nedanfor Bjødnafete (1408 moh.). Særs god utsikt mot Folgefonna frå denne hytta. Vidare er det kupert terreng og du går meir på fjell, og kanskje du må over nokre snøfonner før du tar dei siste stigningane opp på Saksaklepp (1491 moh.). Saksaklepp er det høgste fjellet i Jondal kommune og har flott utsikt både mot fjord og fonn. NB. På mange eldre kart er namna Bjødnafete og Saksaklepp bytt om.

Sesong

Juli /august – oktober.

Råd for turen

-Ta med mat, drikke og vindtette klede.
- Du bør ha fjellstøvlar.
- Mobildekning er god på det meste av turen.
- Vi anbefaler kart og kompass, ev. GPS.
- Det er bandtvang 1. april – 20. august.
- Det er forbode med open eld i skog og mark 15. april - 15. september.
- Til fots kan du ferdast fritt i utmark, men ver varsam og ta omsyn til dyr og fuglar, og til naturen elles. Ikkje kast søppel.
- Turistinformasjonen kan gi opplysningar om fiske og kjøp av fiskekort.