Batalden / Store Batalden via Stokksneset. Rundtur

Batalden / Store Batalden har med sine 492 moh, den høgaste toppen av alle øyane utafor byen Florø. Utgangspunktet for turar på øya er Batalden Havbu si kai der rutebåten frå Florø legg til. Dersom du ønsker ein litt lengre tur, kan den gåast som ein rundtur via Stokksneset.

Du er velkommen til å gå tur på øya. Studer oppslag og info på kaia før turen.

Ta omsyn til at Batalden Havbu ikkje har gjestehamntilbod og at rutebåtkaia og hamneanlegget elles er privat.

Frå 1.mai 2017 kan turgåarar ikkje la eigen båt ligge ved kai utan løyve medan dei er på tur. 

Dette er ein bratt tur med vekselsvis ur, berg og lygnhei. Frå kaia går du rett fram og tek til høgre rett før husa. Følg skilt som viser veg til toppen/summit 2,0 km 492 moh. Du går opp bakken og nordover gjennom to grinder og kryssar ei beitemark. Følg så stien oppover til du kjem til eit lite vatn. Her delar stien seg i to.

Hald til høgre og følg stien / hjortetråkket nordover på 40 moh til du kjem fram til Stokksneset. Her kan du gå nedom dei gamle hustufta eller fortsette vidare famover til du kjem inn på skråberga. Følg desse heilt nord og ta til venstre oppover første høgda. 

Vidare oppover følger du berga til du kjem til Tjeldneshamrane. Dersom du går ut på vestkanten er det fin utsikt mot Tjeldneset og Låtreholmane. Frå utsiktspunktet følger du den bratte grasdekte lia til du nærmar deg toppen. Du kjem etterkvart til ei myr. Her er det greit å gå på austsida av myra. Toppen er no synleg og du kan følge terrenget / berget den siste biten til varden på toppen av Batalden / Store Batalden.

Sporet på kartet er gått som ein rundtur. Returen ned att til kaia går du den vanlege stien. Turbeskriving finn du her: Batalden / Store Batalden 

God tur!