Fottur til Brenndalsbreen

Startpunkt og parkering ved Trollbu. Turen til Brenndalen går på skogsveg. Frå utsynspunktet ved brenndalsselet ser ein utover Oldedalen og opp mot Vollfossen. Herifrå kan ein gå vidare innover til Brenndalsbreen. Det er farleg å gå lenger inn enn til svaberga, då det kan kome ras frå breen. Brenndalen er ein hengedal med bratte fjellsider som endar ut i Oldedalen. Turen til Brenndalen er lett og barnevennleg i flott vestlandsnatur. Like før ein kjem opp til utsiktspunktet ved Brenndalsselet, kan ein ta ein avstikkar til Setrane. Her stod det tidlegare tre skogalader som vart nytta til å lagre høy i.

I 2016 stod ei ny skogalade bygd i gamal lafteteknikk ferdig. Frå Brenndalen kan du også gå vidare mot Jakobsbu. Følg skilting.