Havrefjell 638moh

Turen startar ved parkeringsplassen 353 moh og går på god sti, og snart på opne svafjell oppover lia. Rett forbi den store steinen flater det ut og snart passerast ein liten bekk.
Ved Røyrkjerr går vi på venstre side av bekken og vidare oppover på fjella. Oppe på platået blir det vid utsikt mot fjell i Aust-Agder og Telemark og utover havet. Namnet Havrefjell kjem truleg av at du kan sjå til havet.
Havrefjellvarden er eit gamalt kulturminne frå siste del av 1800-talet. Den blei bygd av Norges Geografiske Oppmåling og brukt til kartlegging av landet.
Denne blåmerka løypa opp til Havrefjell er 6 km tur-retur, er relativt lettgått og går i urørt og vakker natur.