RUNDTUR i SKAFTEDALEN

Høgdemeter over havet: om lag 750 på det høgaste

Lengde: 10 km

Tid: 3-4 timar

Gradering: Dett er ein lett og fin tur som passar alle.

1.Skaftedal-Nyestølen-Steindro-Dalset-Skaftedal

eller

2.Skaftedal - Dalset – Steindro – Nyestølen – Skykkjeset –Skaftedal

Turen kan og delast i fleire turar:

3.Skaftedal – Dalset- Skaftedal

4.Skaftedal – Skykkjeset – Skaftedal

5.Skaftedal – Latebakken – Steindro – Nyestølen – Steindro – Latebakken - Skaftedal

Vegskildring: Turen startar i Skaftedal. Det er ein fin rundtur som tek 3 – 4 timar. Det er noko myr, så fjellsko er å anbefala. Det «lettaste» er å gå til Skykkjeset fyrst. Då kan ein parkera bilen på Jørdretveita og fylgja merkinga til Skykkjeset. Start med å gå opp den bratte bakken i grusvegen og gjennom grinda. (Det er eigen turskildring for Skykkjeset om ein treng det).

Du går vidare frå Skykkjeset til Nyestølen og følgjer merka og rydda løypa i retning Voss, Nord-vest. Det er ein kort tur mellom Skykkjeset og Nyestølen. Du går forbi Budeieskarvet. Du ser den lange steinmuren lenge før du kjem ned til stølstuftene.

Frå Nyestølen går du gjennom »porten» og krysser elva før du gå opp på andre sida. Du har den fine Modalen til høgre, Nord-Øst for deg. Steindro er ein kort tur herifrå og kassa heng på tuftene til Moe garden. No går det ein fin sti vidare til siste støl som heiter Dalset. Krakalia er navnet på stølen oppom Dalset og du ser ned på Latebakken. Heile turen er noko lang, men terrenget er flott og lett å gå i. Du går på andre sida av dalen heimatt. Frå Dalset er det noko nedover før du er tilbake på Jørdretveita der bilen din er parkert.

Dersom ein ynskjer å gå til Dalset fyrst, køyrer ein over brua og parkerer i Skaftedal. Då fylgjer ein skogsvegen inn til Skaftedalstveita (same veg som til Latebakken). Og går vidare etter merking til Dalset deretter Steindro, Nyestølen og Skykkjeset før du er tilbake igjen på Jørdretveita i Skaftedal.

GOD TUR!