(24) Tveitalio Rossekleiv rundt

Turen startar ved den nye p-plassen på Vadvegen ca 400 m før Vad. Følg Vadvegen og ta nordover skogsvegen som er sperra for biltrafikk med bom. Etter 800m tar du av til venstre over brua mot vest. Følg merka skogsveg/sti mot vest/sørvest til Vatnadalsvegen. Gå opp dalen til eit lite murhus. Ta til høgre på sti mot nord (som så dreiar mot nordvest). Følg stien mot nordvest i 2 km til skilta stidele. I stidelet gjer løypa ein U-sving. Her må du gjerne ta ein ekstratur 500m vidare mot nordvest til Fjellstova, eller berre ta U-svingen direkte ned mot Hauglandskvedno. I liane her er det ein del gamal barlind. Hauglandskvedno er ei gamal gardskvern restaurert av Stord Rotaryklubb og Sunnhordland Folkemuseum. Frå kvedno følgjer ein skogsvegen sørover ned att til Vad.