Brandasund og Brandasundsåta

Brandasund ligg idyllisk til lengst nord i Bømlo og har ei lang historie somm handels- og gjestgjevarstad heilt frå 1600-talet. I 1897 vart det bygt hermetikkfabrikk. Enno er det eit tett bygningsmiljø i Brandasund. Brandasund er eit populært mål for båtturistar. Frå Brandasund kan ein også ta turen på Brandasundsåta. Turstien er merkt og har flott havutsikt. Første delen i lett og ope terreng. Seinare litt stigning med trappetrinn siste delen opp til toppen. Stien går gjennom nedslagsfelt til drikkevatn, så urein ikkje området. Hund har ikkje ådgang her!