Fottur frå Hestenesøyra til Eikenesstøylen (340 moh) og Eikeneshesten (1093 moh)

Turen på Eikeneshesten er ein flott tur med fantastisk utsikt mot fleire bygder, fjordar og fjell.

Ein kan velje om ein vil gå på skogsvegen, eller i stien opp på Eikenesstøylen. Ruta er godt merka, og på stien er der mange skilt som viser dei lokale namna.

Turen vidare mot hesten går inn til eit oppdemt vatn, der kan ein evt. ta seg eit bad. Derifrå går ein på høgre sida av vatnet og finn att stien. Ein fin pauseplass er på Spøtanakken, der har vi utsikt ned på Hestenesøyra, Hyefjorden, vi ser på Hyeneshesten, Gåsa og Skjerdalen.

Turen har bratte parti, med lett klyving. Vi har fått tilbakemelding på at dette ikkje er ein super tur for dei høgderedde.

Då Midtre Nordfjord Turlag arrangerte tur i 2013 var den yngste 4 år, og den eldste 77 år!

Tidsbruk ein veg vil variere, men vi 2-3 timar opp.