DNT ruta Ålhus til Longevasshytta og ned att til Legestøylen i Årdalen i Jølster

Sidan dette er ein rundtur må du organisere deg med anten to bilar eller skyss. Ålhus: Ta av E39 og køyr på Fv454 inst inn i Ålhusdalen til Indrebø, og følg vidare på skogsveg inn mot Godtdalen. Du må betale bom på skogsvegen inn her. Vegen er fin å køyre på, men det er nokre parti der det kan vere utfordrande dersom bilen er for låg. Hugs å lat att grindane etter deg og vis respekt for beitande dyr. Det er ikkje mogeleg å betale med Vipps (i 2021). Men det er opplyst eit kontonummer du kan bruke for å betale dersom du ikkje har kontantar. Årdalen: Ta av E39 til Årdalen. Inn til Legestøylen køyrer du på den austlegaste skogsvegen som startar på Erikstad. Her kan du betale bomvegen med Vipps. Dette er ein godt holdt skogsveg som er fin å køyre på. Det er flott tilrettelagt parkering rett før Legestøylen.