Øynuten i Fyresdal kommune

Øynuten ligg heilt sør i Fyresdal midt mellom dei 2 utløpa frå Fyresvatn. Toppen er kun 522 m.o.h. men eit flott utsiktpunkt. Flott trimtur på ei lita kveldsbeite.
Totallengde:
Topptur 2 km, rundtur 6,5 km
Stigning:240 m
Terreng:Kort og bratt
Gangtid:1-2 timar

Turen kan også gjerne kombinerast med ein tur rundt
heile Øynuten. Då bør ein ta avstikkaren opp til
Trollholene ovom garden Lomekilen på sørsida. Det er ei
stor oppleving å sjå desse store grottene frå istida. Ved
Øyne Camping er det mogleg å overnatte og ein kan kjøpe
fiskekort der.
TUREN TIL ØYNUTEN:
Fylg traktorvegen til endes og deretter fylg blått merke og
god sti vidare til toppen. Toppen er ved den høge masta.
Kassa er i foten av denne. Nyt den flotte utsikten over
Kilegrend. Hugs å skrive namnet ditt i boka!
Ned att bør ein gå same vegen, då her er ein del bratte og
farlege plassar. Finast å gå om sommaren.
TUREN ØYNUTEN RUNDT:
Turvegen rundt Øynuten er ein fin og lett tur for alle.
Starten er ved Kilegrend Grendehus eller Øyne camping.
Turen går på vegar og stier i gamalt kulturlandskap og
åpen skog. På store deler av turen ser du vatn og elv. Er
du heldig, ser du kanskje også en bever!
Undervegs kjem du til Trollholene, to store grotter som
ligg i ein liten ”kvæv” ovanfor Lomekilen. Holene er
sprengd og grave ut av vatn og is og vart forma i slutten
av istida då ismassene smelta og landet etter kvart heva
seg. Den fyrste gudstenesta vart halden her i 1911. Frå
1988 er gudsteneste i holene blitt ein årleg tradisjon.
Det gamle sagbruket ved Glomsfoss er også eit minne om
gamle dages virke i dette område.