Fottur til Dokka om Nyksvatn

Du startar frå parkeringsplassen ved vassverket og går på traktorved mot Vikastølen. Derifrå går du på fin sti mot Nyksvatn som er drikkevatnet til Askvoll og Holmedal. Dette er ein vanleg tur som mange benytter seg av og når ein er komen til Nyksvatnet, kan du gå vidare til Dokka, Moldura eller fylgje Kystarvstien om Hålandstølen og vidare tilbake til parkering.

Frå Nyksvatn går stien til Dokka over elv på venstre side,og det er merka sti til toppen. Opplevinga er stor når du er komen opp, ei hærleg utsikt langt inn i landet, og utover alle øyar. Er du heldig, kan du skimte oljeplattformane ute i havet. Tida opp er ca 1,5 - 2 timar.