Fottur til Dokka opp ranen

Frå parkeringsplassen går du opp traktorvegen til du kjem på flaten rette etter at skogen er slutt. Der går du til venstre slakt oppover til du finn ein sti som kjem frå Vikastølen. Du held fram til venstre på stien til du går over ei lita elv og du fortsetter rett opp bakken.

Det er delvis sti oppover ranen mot toppen av Dokka og på turen opp vil du ha ei spektakulær utsikt over heile Dalsfjorden og fjellområda mot Sognefjorden. Når du kjem til toppen vert belønninga ei nydeleg utsikt over Askvoll kommune der du i fint ver kan sjå plattformane i Nordsjøen. Returen til parkeringsplassen kan du legge om Nyksvatnet.