Fottur til Kjerringnova 423 moh

Frå toppen av Kjerringnova ser ein tydeleg kontrasten i landskapet i overgangen mellom vestlandsk skjergard og det dramatiske fjordlandskapet. Dette er eit av dei flottaste utsiktspunkta i Gulen og på toppen finn du ein utsiktskikkert og kart som viser namn på fjella du ser.

Stien startar i Taskevika, 10 min. gange nordover fylkesvegen mot Dingja. Det er god skogsløype opp til Taskebotn med fleire pauseplassar undervegs. Steinlagt elv kan vere litt stor i periodar med mykje regn. Postkasse med infokart og trimpost finn ein i Taskebotn. Etter vegdele i Taskebotn stig stien nokså bratt opp til Mjåfjellet, og utsikten opnar seg i alle retningar. Opp mot Kjerringfjellet er det tjern, flater og lange parti med fine berg. Turen tar 2,5 timar.