Kvitberghytta

Gå opp hyttevegen mot nord på vestsida av Hamsa. Hyttevegen svingar mot nordvest og går snart over i stig. Følg stigen gjennom hyttefeltet og langs fossane i Hamsa. Etter 1,3 km er det merka ny løype opp til stigen gjennom Hamsedalen, som går til ei bu ved 2.vatn. Det er 5 km vidare innover Hamsedalen til Kvitberghytta som ligg 0,8 km nordvest for Viatjønn.

Ei alternativ rute er DNT-ruta frå Geirangervegen opp til Kolbeinsvatnet og inn i Skjåk. Gå langs Kolbeinsvatnet og ned i Vien. Ved Fremste Vievatnet må du gå i terrenget 0,7 km opp mot aust og Hamsedalen til Kvitberghytta.

Skjåk Almenning har utleige av Kvitberghytta med båt og garn på Viatjønn og Fremste Viavatn. Hytta er 20 m², og har 4-5 sengeplassar i kombinert opphaldsrom, kjøkken og soverom.

Du kan få fin fisk på alle vatn i Hamsedalen. Storleiken passar til god matfisk. Det blir fiska med garn i vatna. Vestsida av 2.vatn og 3.vatn er fint for oterfiske. Elles er vatna og Hamsa fine for stongfiske.

Den naturlege rekrutteringa er god i Fremste Vievatn. Kolbeinsvatnet er avhengig av utsatt fisk. Det er skjoldkreps i Fremste Viavatn, og fisken er raud i kjøtet.

Fiskebestanden er småvokst i Vievatn og Kolbeinsvatn. Begge vatn egner seg godt for garnfiske. Kolbeinsvatnet kan bli seint isfritt.

Flatvatnet og andre mindre vatn i Vien, egner seg godt til oter- og stongfiske.

Turen er også flott på fjellski vinterstid. Det er da ikkje mogleg å gå om Kolbeintsvatnet da vegen til Geiranger er stengt. Parker på rasteplassen ved Hamsevika, og fylg Hamsedalen innover.