Rabbafjellet

Rabbafjellet er 159 moh og ligg på den vestlege delen av Selbjørn. Landskapet er dominert av lyngkledde åsar og dalar, og frå toppen er det fritt utsyn sør- og vestover havet. Folgefonna i aust og byfjella i nord.
Det er fleire alternative stiar til toppen. Kortaste veg opp er ca 1,7 km.
I lyngheilandskapet langs kysten lever hubro, og den er sett på Selbjørn også. Meir sannsynleg er det at du ser havørna glidefly over øya, eller du kan få eit glimt av hjorten som også lever her.
Turen er merka med raud T der det er stein/fjell og ellers med trepinnar raudmalt på toppen. Stiane er godt brukte, men følg med merking ved stidela. På toppen av Rabbafjellet står ein steinvarde som viser veg.