Topptur til Vangsen

Publisert av: Luster kommune
Annonse

Om turen

Vangsen (1757 moh.) er «stortoppen» i Jostedalen, og om sommaren er han ganske lett tilgjengeleg på grunn av den høgtliggjande anleggsvegen. På Vangsen kan du òg gå på ski til langt ut på sommaren. Høgdeskilnad: 710 m.

Snøen smeltar sakte i denne nordsida, så turen er nok best til fots seint på sommaren. Ein kan møte skilauparar her så seint som i juli. Gå til du er midt på sørsida av vatnet. Følg drag mot vest oppover til omlag 1300 moh, kor du bikkar ein kant. Gå ryggen vestover til ei flate på 1440 m.o.h., så bratt opp ei kneik, og du ser toppen. Det finaste er å gå nordryggen til topps, men om ein vert svimmel på grunn av høgda kan ein gå trygt over den vesle breen aust for toppen. Storslått utsyn over heile Vestlandet møter ein ved varden, under ein mot vest ligg Skåldalen, stølen til garden Åsen. Mykje stein og snøparti krevjer sitt av turgåaren på turen til Vangsen.

Slik kommer du deg dit

Adkomst

Frå fv 604, køyr mot Espe 4 km sør for Gjerde. Ta av til høgre på asfaltert bomveg 400 meter forbi skule og samfunnshus. Følg denne svingete fjellvegen heilt opp over skoggrensa til Vanndalsvatnet og parker her.
Annonse

Publisert av

Luster kommune