Topptur til Slogen frå Øye

Publisert av privatperson

Topptur til Slogen frå Øye

  • Område
  • Type
    Fottur
  • Gradering
    Ekstra krevende
  • Lengde og varighet
    3,5 km
    6 timer
    En vei
  • Sesong
    Jun - okt
Dette er kortaste veg til Slogen, men til gjengjeld også den brattaste. Denne turen passar for dei som likar og tåler å gå i bratt motbakke frå du startar på omtrent havnivå, til du endar på 1564 m.o.h.

Turen startar på Øye. Det er tydelig skilta kvar ein kan parkere dersom ein skal på Slogen. På andre sida av vegen frå parkeringsplassen er det skilta kvar råsa startar. Råsa er ikkje merka, men den er lett å finne opp gjennom heile fjellsida, så ein går seg ikkje vill. Gjennom heile oppstigninga så har ein eit mektig skue ned mot Hjørungfjorden, framover Norangsdalen, og på alle dei majestetiske toppane som omkransar dalen.

På ca 1200 meter er ein oppe på fjellegga som går opp mot toppen av Slogen. Her møter ein råsa som kjem frå Patchellhytta. Her i frå kan ein sjå toppen, og dersom ein syntes at dei siste høgdemeterane i lia var litt tunge, så vil ein forhåpentligvis kunne glede seg over ein auka motivasjon når ein ser at målet er innan rekkevidde.

Vidare oppover mot toppen så er det greit å sjå kvar ein skal gå, og ryggen er ikkje spesielt luftig. Det er først dei 20 siste meterane det kan vere litt krevande å finne ein god veg, og ein må rekne med litt småklarting. Det skal imidlertid gå fint så lenge ein ikkje held for langt mot høgre. Ein kan rekne med å vere oppe på omlag 3 timar, dersom ein går jamnt og trutt, og brukar ca ein halv time totalt på pausar.

Topplatået er luftig og ikkje spesielt stort, men det gir til gjengjeld ei heilt ubeskrivelig vakker utsikt mot ein grønblå fjord og alpine, snødekte fjell.

I nedstigninga bør ein halde tunga beint i munnen og trå forsiktig ned det første og brattaste partiet, men etter det er det igjen greit å følge råsa heile vegen ned igjen. Heile nedstiginga vil sannsynligvis ta ca 2 timar.

Slik kommer du deg dit

Adkomst

Køyr til Øye, anten via Stranda - Hellessylt - Nordangsdalen, eller frå Ørsta, der ein kan ta ferge frå Sæbø og over til Leknes.
Dette turforslaget er laget og publisert av en privatperson. UT.no er ikke ansvarlig for feil eller mangler i turforslaget, og kan ikke bli holdt ansvarlig for skader eller situasjoner som måtte oppstå hvis du følger denne turen.