Mørkadalsfjellet, Idrettsbanen-Kalavåg-Mørkadalsfjellet(Ådno)-Løning rundløype, Bømlo

Første del av stien til Mørkedalsfjellet/Ådno går langs lysløypa ved idrettsbanen til skilt merka Kalavåg/Mørkedalsfjellet/Ådno. Stien mot Kalavåg går m.a. gjennom eit tett skogsområde. På Kalavåg tek ein av til venstre og følgjer asfaltvegen ned til ein snuplass. Derifrå̊går stien over ein grasbakke og vidare i søraustleg retning. Myrane kan til tider vera ganske blaute. Berggrunnen i området Ådno er harde vulkanske bergartar. Dette gir skrinn jord som er dårleg eigna til dyrking. I det vêrharde klimaet vil det heller ikkje veksa skog her. Vegetasjonen er for det meste lyng og brake. For dei som er interesserte i botanikk, kan ein finna sjeldne planter her. Siste delen av stien går i litt bratt stigning opp til Mørkedalsfjellet/Ådno, 103 m.o.h., med flott utsyn over bygda, Bømlafjorden, Sletta og Espevær. Om lag halvvegs på̊stien kan ein leggja turen til Vardane. Herifrå̊ kan ein gå direkte til Mørkedalsfjellet/Ådno. På Mørkedalsfjellet finn ein det som er att av Odne Kystvaktstasjon; ei kystvakthytte, ein utsiktskuppel, ein bunker og ein radar. Dette er gammalt militært utstyr som ikkje er i bruk lenger. Meir info om Odne Kystvaktstasjon finn ein når ein er framme ved hytta. Frå̊ Mørkedalsfjellet kan ein gå mot Løning og attende til idrettsbanen.
Ein fin rundtur.