Turstiar på Goddo

Dette er eit populært og fint turområde både for turgåarar og båt-turister. Her er opent fint turterreng med store variasjonar i landskapet. Goddo er den største landfaste øya i Bømlo Kommune, og vestsida av øya ligg heilt ut mot Nordsjøen med blankskurte fjellparti, høge svaberg, øyar, holmar og skjær som storhavet baskar mot. Goddo Grendalag bygde første turstien frå Helgaplass til Barmane Friområde (1,1km) pluss flytebrygger og bruer i 1994. Goddo Grendalag står også for vedlikehald av løypene. Fint merka sti ved vegkanten. Hengebru, postkasse og turbok på vegen. Det er og ei løype rett under kuleradaren før du kjem til Såtedalen, Katla.