Stedjestova - dagsturhytte i Sogndal kommune

Stedjestova er ein av tre dagsturhytter i Sogndal kommune, og ligg på Stedjeåsen. Stedjestova ligg på 300 moh. på veg opp til Stedjeåsen. Hytta har utsyn mot sentrum i nord-aust og Storehaugen i sør. Hytta er plassert slik at den skal vere mogleg å nå for flest mogleg, også barnefamiliar.

Turen opp er 1 km og 250 høgdemeter. Ein kan rekne med å bruke om lag 30-40 min i rolig gange.

Dagsturhytta er eit lågterskeltilbod for turgåarar - ein plass for å ete matpakka si, få litt varme i seg og bla i bøker. Kvar hytte har eit nynorsk turbibliotek med mange ulike bøker.
Prosjektet er eit samarbeid mellom Sogn og Fjordane fylkeskommune, Sparebankstiftinga / Sparebanken Sogn og Fjordane og kommunane sjølve.

Les meir:

• Heimesida til dagsturhytta Stedjestova
• Heimesida dagsturhytta.no