Legg til huskeliste
    8
    SjekkUT-besøk

    Annonse

    Om Nansenbu
    Nansenbu er ei koseleg hytte som ligg ved ei gamal steinhytte satt opp av Jon Lid i 1917 i Torfinnsdalen. Hytta er godt eigna som utgangspunkt for flotte dagsturar i røft høgfjellsterreng heile året.

    Kortaste ruta til Nansenbu er frå Hodnaberg via Torfinnsheim. Turen er 10,3 km og ca 670 høgdemeter ein veg.

    Lokasjon
    Nansenbu ligg på Gråsida, på sørsida av Vangsvatnet. Hytta er plassert nord for Torfinnsdalsvatnet, 1200 meter over havet.

    Om hytta
    Her finn du ei hovudhytte og ei ny naudbu med utedo.

    Tal på senger: 10 senger fordelt på tre soverom.
    Tal på senger for førehandsbestilling: 8 senger fordelt på to soverom

    Fasilitetar på hytta
    Hytta har stove, kjøkken og tre soverom med senger.

    • Senger: Sengene har puter og dyner. Du må ta med eigen lakenpose/sovepose.
    • Vatn: Ein finn vatn i groa rett ved sida av hytta
    • Gass til matlaging, vedomn til oppvarming.
    • Hytta har ikkje proviant
    • Hund: Det er mogleg å ha hund i gangen på hovudhytta og i naudbua. Ver merksam på at hunden ikkje skal vera inne i hovudhytta.
    • Hytta er ulåst.

    Aktiviteter/turforslag

    Frå påsketider er ruta over Gråsida, mellom Torfinnsheim og Gjelle kvista. Ein må ta ein kort avstikkar frå den kvista løypa for å koma til hytta.

    Transport til startpunkt
    Sjå www.entur.no for moglegheitene du har for å reisa kollektivt til Hodnaberg.

    Medlemskap
    Som medlem i DNT får du rabatt på overnatting på 550 DNT-hytter, turar og kurs m.m. Bli medlem her

    Merk! Born frå 0 -12 år som er medlem får gratis overnatting på DNT hytter.

    Historie
    Stova i hytta er eit kjøkenrom henta frå eit over 100 år gamalt hus ved fjorden. Kjøkenrommet er teke ned, pussa på og satt opp att i Nansenbu. Tømmer og fargar er av gamal tid, og ein møbelsnekker har laga interiør i gamal tradisjon for å gjenskapa den rette kjensla. Namnet Nansenbu var eit naturleg val då det verserer historiar om at Fridjov Nansen har hatt opphald i området. Han skal mellom anna ha delteke på jakt med lokale grunneigarar i området og ha trena til si ferd over Grønland her. Som grunnstein har prosjektet fått ein murstein frå Nansen sin bustad på Lysaker i gåve fra Fridtjof Nansens Institutt i Oslo.


    Gruppebestillingar på Nansenbu:
    30.08 - 01.09: 10 personar

    Fasiliteter

    • Kortbetaling
    • Teltplass
    • Vedovn
    Annonse
    Stølsheimen, Bergsdalen og Vossafjelli

    Adkomst sommer

    Fylg T-merkt sti over Gråsida frå Gjelle eller Hodnaberg. Det er skilta og T-merka heilt til hytta.
    Det er også mogleg å fylgja T-merka sti til Nansenbu frå Rong.

    Adkomst vinter

    Frå påsketider er ruta over Gråsida, mellom Torfinnsheim og Gjelle kvista. Ein må ta ein kort avstikkar frå den kvista løypa for å koma til hytta.

    SjekkUT | Nansenbu

    Samle på fjelltopper, hytter og andre turmål over hele landet med SjekkUT i UT-appen.

    Les mer om SjekkUT
    8

    SjekkUT-besøk